UEFA-dan Qarabağın məşqçisinə CƏZA: "Bayer"lə oyunu...

01.03.2024 13:21
360
65e19e2538578202403242141
UEFA İntizam Komitəsi Avropa Liqasının pley-off mərhələsində Portuqaliyanın "Braqa” klubu ilə matçda qırmızı vərəqə alan "Qarabağ”ın futbolçusu Elvin Cəfərquliyev və məşqçisi Elçin Rəhmanovla bağlı qərarını açıqlayıb.

AZSABAH.COM qurumun rəsmi saytına istinadən xəbər verir ki, həm futbolçuya, həm də məşqçiyə 1 oyunluq cəza verilib.

Komandanın hər iki üzvü Avropa Liqasının 1/8 finalında "Bayer 04”ə (Almaniya) qarşı Tofiq Bəhramov adına Respublika stadionunda keçiriləcək qarşılaşmanı tribunadan izləyəcək.


 


Qitə futbol qurumu həmçinin sarı vərəqə limitini dolduran Julio Romaonun da 1 oyunluq cəzaya məruz qaldığını açıqlayıb.


 


Qeyd edək ki, Avropa Liqasının 1/8 final mərhələsi çərçivəsində Tofiq Bəhramov adına Respublika stadionunda keçiriləcək "Qarabağ” - "Bayer” görüşü martın 7-də, saat 21:45-də başlayacaq. Tərəflər arasında cavab görüşü isə bundan bir həftə sonra Leverkuzen şəhərində baş tutacaq.