"Real" zədəli futbolçusu ilə bağlı gözlənilməz qərar qəbul etdi - FOTO

İspaniyanın "Real" (Madrid) kollektivi müdafiəçisi Dani Karvaxal ilə 2026-cı ilin iyun ayının sonuna qədər nəzərdə tutulan müqavilə imzalayıb.

Azsabah.com TASS-a istinadən xəbər verir ki, bu barədə klubun Mətbuat Xidməti məlumat yayıb.

Xatırladaq ki, Karvaxal İspaniya çempionatının IX turunda "Vilyarreal"a qarşı matçın (2:0) ikinci hissəsinin əlavə vaxtında dizinin çarpaz bağını zədələyib. Müdafiəçi meydanı xərəkdə tərk edib.

32 yaşlı futbolçu 2013-cü ildən "Real"da çıxış edir. O, bu müddət ərzində 426 oyun keçirib, 14 qol vurub və 65 məhsuldar ötürmə edib. Altı dəfə Çempionlar Liqasının, dörd dəfə İspaniya çempionatının və Superkubokunun qalibi olub.