2022-ci ilin avqustun 14-də 3-cü Alatava massivinin Salamzadə küçəsində dəhşətli cinayət baş verib.

1999-cu il təvəllüdlü Bəxtiyar Qarayev dava zamanı ictimai borcunu yerinə yetirən Niyaməddin Muradovun ürəyinə və bədəninin digər nahiyyələrinə çıxsaylı bıçaq zərbələri vuraraq onu öldürüb. Hadisədən bir neçə saat sonra o, 20-ci polis bölməsinə gələrək təslim olub.

Aparılan araşdırmalarla 1999-cu il təvəllüdlü Bəxtiyar Qarayevin aralarında yaranan mübahisə zamanı əvvəldən tanımadığı Niyaməddin Muradovun döş qəfəsinin sol yarısına bıçaqla xəsarət yetirərək onu qəsdən öldürməsinə əsaslı şübhələr müəyyən edilib.

Hadisə Bəxtiyar Qarayev qeyri-rəsmi saxladığı qadını döyən zaman baş verib. Qadına kömək üdən 3 nəfərlə Bəxtiyar Qarayev arasında dava düşüb. Dava zamanı Niyaməddin Muradov bıçaqlanıb. Aldığı ağır yaraların nəticəsində Niyaməddin xəstəxanada vəfat edib.

Xatırladaq ki, qətlə yetirilən Niyaməddin Muradov Vətən müharibəsi iştirakçısıdır. O, “Qubadlının azad olunmasına görə” medalı ilə təltif edilib.