Pula görə oğlu oğurlanan deputatın ADI BİLİNDİ - GÖRÜN KİMDİR (FOTO)

03.10.2022 16:04
2777
633ad06a9b33e202210220706

Türkiyədə oğlu oğurlanan azərbaycanlı deputatla bağlı yeni məlumatlar yayılıb.
AZSABAH.COM
Bakupost.az-a istinadən bildirir ki, oğurlanan şəxs Azərbaycan Tibb Universitetinin sabiq rektoru, Milli Məclisin Səhiyyə komitəsinin sədri Əhliman Əmiraslanovun oğlu Azər Əmiraslanovdur.
Saytın mənbəsi iddia edir ki, Azər Əmiraslanov Türkiyədə geniş biznes şəbəkəsinə sahibdir.
Onun bir neçə klinika və tibb sahəsi ilə bağlı biznes obyektləri var. A.Əmiraslanovun məhz geniş maliyyə imkanlarına görə maddi maraq üçün oğurlandığı bildirilib.
Məsələ ilə bağlı saytın deputat Əhliman Əmiraslanovla əlaqə yaratmaq cəhdi baş tutmayıb.
Deputatın köməkçisi Raqif Xəlilov isə məsələni araşdırıb məlumat verəcəyini desə də, sonradan Ə.Əmiraslanovla əlaqə saxlaya bilmədiyini qeyd edib: “Zəng etdim açmadı. Günün ikinci yarısı yenidən əlaqə saxlayacağam”.

Azərbaycanlı deputatın oğlu oğurlanıb - FOTO

Onu da bildirək ki, məsələ ilə bağlı ilk xəbəri Musavat.com saytı yayıb.

Daha öncə xəbər verdiyimiz kimi deputatdan oğlunun sərbəst buraxılması üçün 10 milyon dollar tələb olunub.
Danışıqların nəticəsi olaraq oliqarx-deputat oğlunun sərbəst buraxılması qarşılığında 5 milyon dollarından keçməli olub.
Əldə etdiyimiz xəbərə görə, deputatın oğlunu oğurlayanlar separatçı kürd qruplaşmanın üzvləri olublar.
Qeyd edək ki, oliqarx-deputatın oğlu 5 milyon dollar ödənildikdən sonra sərbəst buraxılıb. Onun hazırda Bakıda olduğu bildirilir.