Prezidentin işdən çıxardığı, sakinlərin narazı olduğu 19 illik icra başçısı kimdir? - DOSYE/FOTO

16.05.2020 15:03
1007

Xəbər verdiyimiz kimi, Prezident İlham Əliyev Nazim İsmayılovun Saatlı Rayon İcra Hakimiyyətinin başçısı vəzifəsindən azad edilməsi haqqında sərəncam imzalayıb.

AzSABAH.COM Nazim İsmayılovun dosyesini təqdim edir.

Öncədən qeyd edək ki, çox sayda sakin bu icra başçısından narazı idi. Torpaqların mənimsənilməsi, qəsdən şoranlaşdırılması, sahibkarlara kənd təsərrüfatı üçün şərait yaratmaması, insanlara yuxarıdan aşağı baxması əsas narazılıqlardan idi. Şübhəsiz ki, Prezidentin bu addımı sakinlərin ürəyincə olub. 


Nazim İsmayılov 24 iyul 1952-ci ildə Göyçay rayonu Kürdşaban kəndində anadan olub. 1974-cü ildə Azərbaycan Neft və Kimya İnstitutunu, 1991-ci ildə isə Bakı Sosial İdarəetmə və Politologiya İnstitutunu bitirib. İxtisasca istilik energetik mühəndisi və politoloqdur.

Əmək fəaliyyətinə 1974-cü ildə "Sumqayıtkimyasənaye" İstehsalat Birliyi Oktyabr inqilabının 50 illiyi adına üzvü məhsullar zavodunda mühəndis kimi başlayıb.

1977-1980-cı illərdə Göyçay Birləşmiş Qazanxana və İstilik Şəbəkələri idarəsində usta və direktor,

1980-1981-ci illərdə Göyçay rayonu Partiya Komitəsində təlimatçı, şöbə müdiri,

1981-1989-cu illərdə Göyçay rayonu Xalq Nəzarəti Komitəsinin sədri,

1989-1990-cı illərdə Göyçay rayonu Partiya Komitəsinin katibi, 1990-1991-ci illərdə Göyçay rayonu Xalq Deputatları Sovetinin sədr müavini,

1991-1992-ci illərdə Göyçay rayonu İcra Hakimiyyəti başçısının birinci müavini,

1992-1994-cü illərdə Göyçay rayonu Xalq Deputatları Sovetinin sədr müavini,

1994-2001-ci illərdə Göyçay rayonu İcra Hakimiyyəti başçısının birinci müavini,

2001-2006-cı illərdə Göyçay rayonu İcra Hakimiyyətinin başçısı,

2006-2011-ci illərdə Şamaxı rayonu İcra Hakimiyyətinin başçısı,

2011-2019-ci illərdə Sabirabad rayonu İcra Hakimiyyətinin başçısı,

2019-cu ildən Saatlı rayonu İcra Hakimiyyətinin başçısı.


Yeni Azərbaycan Partiyası Siyasi Şuranın üzvüdür.

Ailəlidir, 3 övladı, 4 nəvəsi vardır.




Loading...