Koronavirusla bağlı ŞOK XƏBƏRDARLIQ GƏLDİ: ölümlər daha da artacaq, xəstəxanalarda yer olmayacaq...

21.07.2022 09:20
25
photo_25260067

Ümumdünya Səhiyyə Təşkilatı (ÜST) COVID-19-a yoluxma hallarının getdikcə artdığını qeyd edərək, yaxın həftələrdə dünya ölkələrində koronavirusdan ölüm hallarının daha da artacağı barədə xəbərdarlıq edib.

AZSABAH.COM-un xarici mətbuata istinadən xəbərinə görə, ÜST-ün baş direktoru Tedros Adhanom Qebreyesus yeni yoluxma hallarının sayının son 6 həftədə demək olar, iki dəfə artdığını vurğulayıb. "COVID-19-dan ölüm hallarının sayı yoluxmaların sayı qədər sürətli olmasa da, artmaqdadır. Artan yoluxmalar qarşıdakı həftələrdə xəstəxanalara daha çox yerləşdirmə və ölüm hallarını gözləyə biləcəyimiz anlamına gəlir", - o deyib.

Qebreyesus bildirib ki, son həftələrdə qeydə alınan yoluxma hallarının artımında COVID-19-un hansı ştamının təsirli olduğunun bilinmir. "Bu artımın səbəbi artıq bildiyimiz və ya tamamilə yeni bir variant ola bilər", - o əlavə edib.

COVID-19-un yeni ştamının əvvəlkilərdən daha təsirli olacağını vurğulayan Qebreyesus bildirib ki, bütün ölkələr buna hazır olmalıdır. “Epidemiya ilə mübarizə imkanlarını azaldan ölkələr böyük risklərlə üzləşirlər", - o, xəbərdarlıq edib.

"Xəstəxanalar hələ dolu olmasa da, indi bütün ölkələrin virusa nəzarət, immunitet, işçi qüvvəsi, təchizatdakı boşluqları doldurmasının vaxtıdır", - Qebreyesus vurğulayıb.

Loading...