Bakı bulvarına giriş niyə MƏHDUDLAŞDIRILIR? - FOTO

19.12.2023 20:47
563
6581ca0136683202312235113
Bakı bulvarının yeni salınan hissəsində - paytaxtın Səbail rayonu ərazisində, Su İdman Sarayının yaxınlığında yeni baryerlər quraşdırılır.

“Caliber” yazır ki, bulvarın bu hissəsində avtomobillər üçün giriş tamamilə bağlanacaq.

Sözügedən mövzu sosial şəbəkələrdə müzakirələrə səbəb olub.

Vəziyyəti şərh edən Dənizkənarı Bulvar İdarəsinin mətbuat xidmətinin rəhbəri Əfsanə Mehdiyeva bildirib ki, sözügedən ərazi idarənin balansındadır və onun mühafizə zonasıdır.

“Dənizkənarı Milli Park” haqqında əsasnaməyə görə, rəhbərlik parkın mühafizəsi üçün xüsusi rejim tətbiq etmək səlahiyyətinə malikdir. Bu da qanunla nəzərdə tutulub. Əraziyə daimi gələnlər üçün heç bir maneə olmayacaq, onlara müvafiq vəsiqələr veriləcək”, - deyə Ə. Mehdiyeva məlumat verib.